ИЗВОР НА ЖИВОТОТ

Сонце

Летото е идеално време за уживање во сончевите зраци. Доколку се изложувате на сонце одредено време и ако тоа го правите на безбеден начин, сончевата светлина може да влијае позитивно на вашето расположение или, пак, на вашата телесна тежина.

Експертите советуваат доколку сакате вашето тело да ги искористи количините на калциум што ги внесувате, потребно е секојдневно внатрешниот дел од рацете и нозете да ги изложувате на сонце најмалку 15 минути.

За да ги почувствувате придобивките на сонцето, потребна ви е дисциплина, бидејќи неконтролираното изложување на сонце може да го загрози вашето здравје.

Го спречува карциномот

Сонцето го намалува ризикот од појава на повеќе видови  карцином, како што е рак на белите дробови, рак на дојка, рак на дебело црево или простата. Со цел да придонесете за оваа позитивна придобивка, доволно е секое попладне да практикувате кратки прошетки. Кога кожата е под вертикални сончеви зраци, таа произведува витамин Д – кој е клучен за намалување на ризикот од карцином.

Го спречува топењето на коските

Витаминот Д е неопходен за развојот на коските и забите. За да може калциумот кој го внесуваме преку храната да се складира во коските и да се впие во цревата, на телото му е потребна одредена количина витамин Д и во негово отсуство калциумот е целосно бескорисен. Со цел да ја натерате вашата кожа со помош на сончевите зраци да произведува витамин Д, потребно ви е  изложување на сонце – особено на внатрешноста на рацете и нозете, во времетраење од 15 минути.

Го спречува дебелеењето

Сонцето го стимулира лачењето на серотонин и ендорфин, кои се хормони на среќата. Доколку велиме дека среќата го задоволува нашиот психички глад, тогаш може да кажеме дека присуството на сончевите знаци дејствува како еден вид  диета. Кога се комбинираат ефектите на сонцето; како што се зајакнување на имунитетот, подигнување на нивото на среќа – контролирањето на телесната тежина станува многу полесно.

Го намалува ризикот од заболувања и го зајакнува имунолошкиот систем

Нашето тело произведува повеќе од 200 природни антибиотици и тие не можат да функционираат без присуство на витамин Д. Овој драгоцен витамин им е потребен на нашите клетки, за да може да се борат со одредени болести. Истражувањата покажале дека инфективните заболувања, ракот, депресијата, остеопорозата, Паркинсоновата болест, мултиплекс склерозата, алергиите, грипот, дијабетесот, хипертензијата, срцевите удари и мозочните парализи се многу почеста појава во северните земји, кои  имаат помал број на сончеви денови во текот на годината. Одредени студии покажале дека недостигот на витаминот Д доведува до остеопороза, го спречува развојот на забите и коските, па дури го зголемува и ризикот од развој на одредени видови   карцином и предизвикува побрзо ширење на клетките на карцином.

Меѓу карциномите поврзани со витаминот Д, во првите редови се споменуваат ракот на дојка, дебелото црево, јајчниците и простата. Од друга страна, овој важен витамин, исто така, се смета дека дејствува позитивно на хемотерапијата за лекување на одредени карциноми. Во случај на недостиг на витамин Д, стануваме поизложени на настинки, пневмонија, бронхитис, синузитис и грип.

Ја лекува депресијата

Еден од начините за лекување на депресијата вклучува мерење на нивото на витамин Д во организмот. Важно е да не се прескокнува оваа проверка и доколку постои недоволна количина од витамин Д, таа треба да се надополни. Можеби една од причините поради кои се чувствувате песимистички, несоцијални, деморализирани е токму овој недостиг во вашето тело, кој ве спречува да гледате позитивно на нештата поради недоволното присуство на серотонин и мелатонин.

Зошто е корисен витаминот Д?

• • Го подобрува расположението и дава енергија.
  • Во минатото луѓето ја лекувале туберкулозата така што пациентот го изложувале на сонце.
  • За поголема количина на хормоните за среќа.
  • Со внесот на сончевите зраци низ зеницата, се постигнува синхронизирање на биоритамот на телото.
  • За намалување на симптомите кај пациентите со мултиплекс склероза.
  • За подобрување во состојбата кај пациенти со одредени кожни болести, како псоријаза, атопичен дерматитис или вертиго.

Сепак, поради добро познатите штети од преголемо изложување на сонце, внимавајте на времетраењето и на кремите за заштита.