Блог
Киселините го размекнуваат емајлот на забите
Мар
Во првите месеци на бременоста кај повеќе од половина бремени жени се јавува зголемена раздразливост на центарот за повраќање што се јавува како резултат на хормоналната промена. Повраќањето доведува до зголемена киселост во желудникот и устата, состојба која штетно влијае врз емајлот на забите и доведува до негова деминерализација.
Заради ова правилната нега на забите, редовната посета на стоматолог се навистина неопходни. Она што е важно да се напомене е дека веднаш по враќање на желудочната содржина, трудницата не смее да ги четка забите, заради можност да доведе до дополнително оштетување на емајлот на забите. Најбезбедно е плакнење на устата со вода и средство наменето за нормализирање на киселоста во устата, а по половина час подоцна е дозволено и четкање на забите со правилен избор на четка и паста за заби.
Во стоматолошка ординација, постои третман кој ја зголемува отпорноста на емајлот на кисели дразби предизвикани од повраќање или внес на кисела храна. Премачкување на забите со препарати во форма на лакови ги прави забите цврсти и отпорни на постојаните дразби.
За бременост со здрави,блескави заби и убава насмевка.
