Важноста во превенција и третман на инфантилен кариес

За новороденчињата раѓањето претставува голем стрес-од живот во водена средина новороденшето треба да се адаптира на живот во воздушна средина. Адаптацијата се состои во почеток на дишење и преформулирање на циркулацијата. Овој период на раст и развој е проследен со формирање на Централен нервен систем и сетилни органи, како и започнување на движењето. Од голема важност се и никнењето на првите млечни заби околу шестиот месец, како и истите да се одржат здрави без кариес до нивното менување со траен заб..

Како педијатри е неопходно при секој превентивен или здрвствен преглед, редовно да потсетуваме за важноста од превенција, но и третирање на инфантилен кариес кај децата, кој влијае на нивното општо здравје.

Соработката токму во оваа насока е несебично споделување на сите информации со стоматолозите кои активно работат на превенција на инфантилен кариес со третманите за флуоризација на забите (каде истата се препорачува, колку често и кои се насоките за домашна нега).

Апел до сите педијатри кои многу почесто се во контакт со децата и нивните родители е да посочат на фактот своето дете да го запознаат со стоматолошката ординација кога не постои болка или конкретна причина за посета на стоматолог. Да ја направат посетата токму во превентивни цели со што ќе потпомогнат во прифаќањето за посета на стоматолог без предрасуди од возрасните и без страв.

Добрите навики и превенцијата на инфантилен кариес се основни причини за  одржување на здрави и убави насмевки