Блог
ХИПЕРПИГМЕНТАЦИЈА – превенција и третман
Авг
Што е хиперпигментација?
Проблемите со пигментацијата се поврзани со лошото функционирање на меланинот, што предизвикува или хиперпигментација (темни дамки) или депигментација (посветли дамки) на кожата. Второто, обично се поврзува со некоја состојба, како витилиго или албинизам и бара медицински третман.
Прекумерната изложеност на сонце (премногу интензивно или предолго) со тек на време резултира во прекумерно производство на меланин, што доведува до појава на темни дамки или лентиго (мали, тркалезни и неиспакнати дамки кои варираат во големина). Поради ова, луѓето што работат на отворено (на море, градежници, итн.) обично порано развиваат вакви хиперпигментации за разлика од останатите.
Освен ова, ризикот од хиперпигментација се зголемува со стареењето на клетките и генерално ги зафаќа областите кои со текот на времето се поизложени на сонце (лицето, вратот, рацете, итн.).
Сонцето и возраста се главните причини за хиперпигментираните дамки. Ова се нарекува соларно или сенилно лентиго. Лентигото напаѓа 90% од белата раса на возраст над 50 години, независно од типот на кожа.
Зошто се појавува?
Хиперпигментацијата се јавува поради претерано создавање на пигментот меланин, а тоа може да го предизвикаат разни фактори, како што се:
- зрачење од сонцето (меланинот ја штити кожата од претерано влијание на сончевите зраци, а во шпицот на сончевата активност организмот не може да се избори со оваа функција и го создава во преголеми количества);
- хормонски нарушувања – дамките се јавуваат и како резултат на консумирање лекови што содржат хормони (поттикнуваат претерано создавање меланин);
- земањето лекови (на синтезата на меланинот влијаат антибиотици, средства за хемотерапија, лекови против маларија, антиконвулзиви и други лекови).
Pigmentbio линијата е прилагодена за третирање на хиперпигментирана кожа на лицето или телото со комплетна програма на производи кои помагаат во осветлување на дамките на кожата, од чистење до производи за нега.
Средства за чистење против хиперпигментација, интензивна корекција на темни дамки, производи за дневна и ноќна нега… изберете ја вашата рутина за нега на кожата!
