Како правилно да ја третирате розацеата?

Розацеата е хронично состојба на кожата што се манифестира со интезивно црвенило.
Причината за розацеа сè уште е непозната и во моментов нема конкретен лек за третман
оваа состојба Сепак, благодарение на разни истражувања, со помош на лекарски совети
и употреба на соодветна козметика и додатоци во исхрана, постои начини да се намалат
симптомите и црвенилото на кожата.
Постојат четири подвидови на розацеа. Секој подтип има свој сет на симптоми. Исто така
е можно истовремено да се појават истовремено неколку подвидови на розацеа.
Првиот знак на розацеа е обично црвенило. Ова црвенило на почетокот може да изгледа
како руменило или изгореници од сонце и се манифестира на образите, брадата, носот и
челото, а повремено може да се зафати и областа на окото и околу очите.

Како да ја препознаете розацеата?
На лицето се појавуваат мали црвени мозочиња од кои некои се со гној, придружени со
црвенило и видливи тенки крвни садови на површината на кожата.
Во потешки случаи се развива состојба која се вика ринофима. Лојните жлезди се
зголемуваат и прават оток, настанува разранување на носот со црвенило, ова се развива
на долната половина од носот блиску до образите. Ринофимата најчесто се јавува кај
мажи.

Кога се појавува?
Најчести пациенти се возрасни од 30-тата до 50-тата година со светла кожа, од двата
пола. Понекогаш болеста е почеста во менопауза, па жените често се жалат на голема
чувствителност на козметички препарати. Во ситуации кога е присутно чувство на срам,
изложеност, притисок, стрес, црвенилото може да биде потенцирано.

Причини за појава?
Причините сè уште не се јасни, се работи за воспаление на кожата придружено со
проширување на крвните садови во кое улога може да игра инфективен причинител, како
Demodex и Helicobacter pylori. Но, секако, влијание може да има вродениот имунитет,
надворешните фактори, т.е факторите од околината.

Совети за пациентите со розацеа
Избегнувајте сè што може да ја поттикне состојбата, како топли пијалаци,
зачинета храна, кофеин и алкохол кои можат уште повеќе да го зацрвенат лицето.Штитете се од сонце.
Избегнувајте екстремно топли и ладни температури, затоа што симптомите може
да се влошат.
Бидете почесто на свеж воздух, не се претоплувајте. Немојте да се чешате, да го
триете или да го масирате лицето.
Избегнувајте козметика и производи за лице кои содржат алкохол.

За правилно третирање на розацеа, аптека ДНА АННИ ФАРМ ви ја препорачува
линијата Roseliane oд брендот Uriage.