Совети кои ќе ви помогнат при висок крвен притисок Copy

Високиот крвен притисок претставува хронична болест и e клучен ризик фактор за
кардиоваскуларни заболувања. Предизвикува промени во крвните садови кои можат да
доведат до оштетување на мозокот, срцето, бубрезите и големите крвни садови.
При одредувањето на вредноста на крвниот притисок се разликуваат систолен (горен)
притисок и дијастолен (долен) притисок. 
Според американските водичи и препораките на Светската здравствена
организација – СЗО, прагот за дијагностицирање на артериска хипертензија изнесува 130
mmHg за систолниот и 80 mmHg за дијастолниот крвен притисок. Секоја вредност на
крвниот притисок над дефинираното ниво од 130/80 mmHg, според американските
водичи, или секоја вредност на крвниот притисок над 140/90 mmHg според европските
непроменети водичи, ја дефинира артериската хипертензија. Идеалната вредност на
крвниот притисок треба да се движи во рамките на RR = 90/60 mmHg до 120/80 mmHg.
Систолниот крвен притисок континуирано се зголемува во текот на животот, со разлика од
20 до 30 mmHg помеѓу вредностите во раната и доцната зрелост. Дијастолниот крвен
притисок се зголемува во помал степен до петтата деценија, а потоа просечниот
дијастолен притисок има тенденција да остане постојан, или, почесто, да опаѓа малку. 

Совети кои ќе ви помогнат при висок крвен притисок:

1. Задолжителна лесна физичка активност
2. Одржување соодветна телесна тежина
3. Редовна и здрава исхрана, само 5 гр. Сол во текот на денот, јадете банани и црно
   чоколадо со 70% какао.
4. Заборавете на цигарите и алкохолот
5. Намалете го количеството на кофеин во текот на денот
6. Потребен е квалитетен сон
7. Контрола на секојдневниот стрес
8. Редовно земајте ја препишаната терапија

Како правилно да го измерите крвниот притисок?

• Кога дома сакате сами да го измерите притисокот, правете го тоа помеѓу 6 и 9 часот и
помеѓу 18 и 21 часот

•  Непосредно пред мерењето треба да избегнувате пиење кафе и пушење, да го
испразните мочниот меур и пет минути да се релаксирате и смирите.
• Подлактицата на рака на која се мери притисокот треба да биде поставена на стабилна
подлога.
• Манжетната на апаратот за мерење притисок треба да биде поставена во висина на
срцето и да седите со грбот потпрени на столот без да ги прекрстувате нозете.

Поради фактот што високиот крвен притисок не покажува симптоми, многу се важни
редовните мерења. Особено внимателни треба да бидат луѓето кои страдаат од
дијабетес, затоа што 60% од нив имаат и висок крвен притисок.
Грижете се за вашето здравје!