Кои се најчесто поставуваните прашања во бременоста?

Бременоста е посебен период од животот на жената поврзан со мноштво телесни и емоционални
промени. Бременоста е исполнета со мигови на возбуда и радост како за самите родители, така и
за акушер-гинекологот кој го проследува целиот процес на развитокот на плодот. Пред
пациентките се појавуваат безброј прашања и вообичаени стравови поврзани со развојот на
бременоста. Кои се некои од најчесто посравуваните прашања?

Како ќе се чувствувам?
Секој е различен, но хормоните можат да предизвикаат многу промени во вашето тело и во
начинот на кој се чувствувате. Секоја трудница може да реагира различно. Некои брзо се
заморуваат, чувствуваат поспаност, утрински мачнини и повраќање. Дури и ако бременоста е
планирана сепак може да донесе бозбуда која во комбинација со хормоните може да предизвика
промени во расположението.
Дали можам да вежбам во бременоста?
ДА! Обидете се и тоа да е околу 150 минути неделно. Ова може да звучи како многу – но ако го
поделите на 15 минути, 5 пати неделно, добиваме идеална физичка активност која ќе делува
благопријатно и на вас и на бебето. Доколку не сте биле претходно физички активни, можете да го
направите тоа со неколку мали прошетки секој ден, во текот на неделата. Како општо правило,
прилагодете ја физичката активност онолку колку што ви е пријатна, но никако не ја изотавувајте.
Вашиот гинеколог може да ви даде неколку совети за правилно воспоставување на рамнотежа во
умерена физичка активност која ќе помогне и во чинот на породување.
Дали се нормални грчевите за време на бременост?
Рано во бременоста грчевите можaт да претставуваат нормални појави иницирани од хормонални
промени, подоцна во бременоста можaт да бидат последица на растот на матката. Грчевите што
кои се зголемуваат и се јавуваат во чести интервали или се придружени со вагинално крвавење
можaт да бидат знак на бременост надвор од матката, заканувачки абортус или заканувачко
предвремено породување. Секако, редовниот преглед кај гинекологот е неопходен за да се
отстранат можните сомнежи за одредени болести и ризици во бременоста.
Дали бремена жена може да оди на заболекар?
Да, грижата за забите за време на бременоста има важна улога во целокупната грижа за
здравјето. Во бременоста непцата стануваат поотечени и крвават при четкање на забите. Посетата
кај стоматолог е оправдана и потребна во тек на бременеста.
Зошто инфекциите на уринарниот тракт се почести во бременост?
Во бременоста се јавуваат промени кои го зголемуваат ризикот за инфекции на уринарниот тракт,
предизвикани од притисокот на матката на уретрите кои ја изнесуваат урината од бубрезите во мочниот меур и намалување на природната антибактериска активност на урината. Употребата на
пробиотици и во превентивни цели од уринарни и вагинални инфекции е оправдана.
Што да јадам за време на бременоста?
Знаеме дека утринската мачнина го прави јадењето и пиењето предизвик – но добрата исхрана
може да ви помогне да се чувствувате многу подобро.

1. Важно е да останете хидрирани, затоа обидете се да ја зголемите количината на вода што
   ја пиете секој ден.
2. Обидете се да јадете најмалку 5 порции овошје и зеленчук на ден.
3. Секој ден, обидете се да вклучите интегрални пченица и житарки
4. Внесувајте доволно млечни производи и витамин Д.
5. И покрај правилната исхрана за да се задоволат дневните потреби на витамини и
   минерали потребен е внес на додаток во исхрана наменет за правилен раст и развој на
   бебето, но и одржување на здравјето на турдницата
   
   Аптека ДНА АННИ ФАРМ ви препорачува – редовна потреба на ПРЕМАМА ДУО – Додаток на исхрана со комплекс витамини и минерали наменет за жени кои планираат бременост, во тек на бременоста и доењето.