Исхрана и зголемена тежина и поврзаноста со ракот

Поврзаноста помеѓу исхраната и ракот е во тоа што дебелината го зголемува ризикот за
развивање на рак. Различните појави на рак во одредени земји се објаснува со посебните начини
на исхрана во нив (на пример, ракот на желудник е почест во Јапонија, додека ракот на дебелото
црево е почест во САД). Според истражувањата, кај имигрантите се појавува ризикот што го има во
новото место на живеење, често во рамките на една генерација, што е знак дека има врска помеѓу
стресот, исхраната и ракот.
Одредени истражувања покажаа дека консумирањето големи количини на овошје и зеленчук има
мал, или скоро никаков ефект врз спречувањето на ракот. Предложените интервенции во
исхраната за првично намалување на ризикот од рак генерално се поддржани од студиите на
епидемиолошките здруженија. Во примери за вакви студии се вбројуваат извештаи за врската
меѓу намаленото консумирање на месо и намалениот ризик од рак на дебелото црево, и
извештаи во кои се вели дека консумирањето на кафе е поврзано со намален ризик од рак на
црниот дроб.
Студиите го поврзаа консумирањето на месо на скара со зголемен ризик од рак на желудникот,
рак на дебелото црево, рак на дојката и рак на панкреасот, феномен кој најверојатно се должи на
присуството на карциногени како бензопиренот во храна подготвена на високи температури.
Една неодамнешна студија ја анализираше врската меѓу многуте фактори и ракот, беше заклучено
дека најголемиот фактор во исхраната кој придонесува за појава на рак се животинските
белковини, додека растителните белковини немаат никаков ефект.
Истражување врз животни го потврди механизмот, со тоа што се покажа дека со намалување на
количината на животински белковини се прекинуваат почетните фази и фазите на развој на
малигната клетка.
Во 2005-тата година, студија за второстепеното спречување на ракот покажа дека применувањето
на исхрана заснована врз растенија и промените во начинот на живот резултирале со намалување
на знаците на рак кај група мажи со рак на простатата кои не примале конвенционално лечење во
тоа време. Овие резултати беа поткрепени со студија од 2006-тата година. Преку 2,400 жени
учествуваа во неа, од кои на половина им беше назначена нормална исхрана, додека на другата
половина им беше назначена исхрана која содржи 20% помалку калории од масти.
Жените кои практикувале исхрана со помалку масти имале значително помал ризик од повторна
појава на рак на дојка, според привремениот извештај од декември 2006 година.
Во неодамнешните истражувања исто така беше пронајдена можна врска помеѓу некои видови на
рак и големото консумирање на рафинирани шеќери и други прости јаглехидрати. Иако се` уште
се дебатира за степенот на поврзаност и бројот на жртви, некои организации всуштност почнаа да
препорачуваат намалување на внесувањето на рафинирани шеќери и скроб, како дел од нивните
режими за заштита од рак.
Пет препораки за да се намали ризикот од развивање на ракот, ги вклучуваат следниве упатства за
исхрана:

(1) намалување на внесувањето на храна и пијалаци кои дебелеат, имено високоенергетска храна
и пијалаци со шеќер,
(2) јадење храна претежно со растително потекло,
(3) ограничување на внес на црвено месо и избегнување на преработено месо,
(4) ограничување на внес на алкохолни пијалаци, и
(5) намалување на внес на сол
Препорака од Анни Фарм е прирачник за здрава исхрана и доволна физичка активност кои ќе
го намалат стресот и ќе превенираат појава на рак