Зошто витаминот Д му е најдобриот пријател на вашиот имунитет?

Дали сте знаеле дека дури 50 % од светското население има недостиг од витамин Д?

Витаминот Д е одговорен дури за 4.000 клеточни процеси, што е јасен показател колку е важен за нашето тело.

За жал, речиси половина од населението има намалено ниво на витамин Д. 

Кои се симптомите на недостиг од витамин Д?

Недостигот од витамин Д најчесто е асимптоматски. 

Меѓутоа, ако сте исцрпени, ако ве болат коските или ако имате мускулна слабост или промени во расположението, тоа е показател дека можеби ви недостига овој витамин.

Симптомите на недостиг од витамин Д вклучуваат:

• чести настинки,
• постојана подложност на инфекции,
• хроничен замор,
• несоница,
• болки во коските, мускулите и во зглобовите,
• депресивно расположение,
• губење на косата,
• мускулна слабост,
• бавно заздравување на раните,
• губење апетит,
• бледа кожа,
• главоболка.

Ако се препознавте во некои од овие симптоми, добра идеја е да направите тест на крвта за да проверите дали нивоата на витамин Д ви се во нормален опсег.

Кои се последиците од ниски нивоа на витамин Д за вашиот имунитет?

Витаминот Д достигнува најниско ниво во текот на зимските месеци, па затоа научниците често го нарекуваат сезонски стимул.

Ниските нивоа на витамин Д се поврзани и со зголемена појава на горнореспираторниот тракт и со пневмонии.

Три начини како да се надомести недостигот од витамин Д

Начин1: директна изложеност на сончева светлина

Вашиот организам го создава витаминот Д во вид на провитамин. Под дејство на сончевата светлина тој се претвора во активен витамин Д.

Изложеноста на директни сончеви зраци е најсигурниот начин за создавање доволно количество на витамин Д.

Истражувањата покажуваат дека се доволни само 30 минути дневно да ги изложите лицето и рацете на сонце, особено во периодот од 10 до 15 часот. Сепак, треба да се знае дека кремовите со заштитен фактор може да го намалат производството на витамин Д дури за 95 %.

Начин 2: исхрана богата со витамин Д

Покрај изложеноста на сончева светлина, еве кои намирници се природно богати или збогатени со витамин Д:

• масни риби (лосос, сардина, пастрмка, туна и скуша),
• конзервирана риба, како на пример харинга и сардини,
• жолчка од јајце,
• говедски црн дроб,
• печурки,
• рибен црн дроб,
• житарки,
• млеко (кравјо, бадемово, од соја),
• сок од портокал.

Бидејќи нема многу природни намирници со витамин Д, многу производи се збогатени со витамин Д, па затоа секогаш проверувајте ја етикетата на производите за да се уверите дека има додаден витамин Д.

Начин 3: додатоци на витамин Д

Исхраната не е најефикасен извор на витамин Д₃. Изложеноста на сонце и суплементирањето се многу поефикасни начини за доволно внесување витамин Д.

Витаминот Д има две главни форми: 

1. Д₂ (ергокалциферол) – со растително потекло;
2. Д₃ (холекалциферол) – со животинско потекло.

Добрата вест е што можете да ги апсорбирате и двата вида на витамин Д во вашето тело. 

Сепак, истражувањата покажуваат дека витаминот Д₃ многу поефикасно го зголемува нивото на витамин Д во нашиот организам од витаминот Д₂. 

Препорачаното дневно внесување на витамин Д₃ за возрасни е од 400 до 1000 интернационални единици (ИЕ). Меѓутоа, доколку вашите нивоа се многу ниски, докторот може да ви препише и повисока доза на витамин Д.

Витамин Д во форма на додаток во исхраната

Количината на витамин Д што ја добивате преку исхраната не е секогаш доволна за дневните потреби од овој витамин. 

Дополнително, бидејќи голем број луѓе свесно или несвесно избегнуваат да се изложуваат на сонце, додатоците на витамин Д се неопходни за организмот да ја добие количината што му е потребна за правилно да функционира.

Наша препорака се MULTI ESSENCE, витамин Д₃, во форма на меки капсули што ги задоволуваат зголемените потреби од витамин Д₃ кај возрасните.

Капсулите се достапни со различна концентрација на витамин Д од 1000 ИЕ, 2000 ИЕ или од 4000 ИЕ, во зависност од потребите на организмот.

Кои се придобивките од консумирањето MULTI ESSENCE, витамин Д₃?

• Подобрена функција на имунолошкиот систем
• Нормална мускулна функција
• Одржување здрави коски
• Поздрави коса, заби и кожа
• Подобро расположение
• Зголемена енергија и концентрација

Сè што ви е потребно за да ги искусите овие придобивки е консумирање барем една капсула дневно со доволно количество вода.