Четири причини зошто консумирањето колаген им помага на зглобовите да останат витални

Дали сте знаеле дека виталноста на нашите зглобови, коски, мускули, кожа и тетиви директно зависи од нивото на колаген што го содржи нашиот организам?

За среќа, оваа супстанција природно се формира во нашето тело. Но по 25-тата година нашето тело почнува да губи просечно 1,5 % колаген годишно. 

До 40-годишна возраст способноста на телото да произведува колаген се намалува за 25 %, а веќе до 60-годишна возраст се намалува за повеќе од 50 %. 

Како последица на недостигот од колаген во телото може да се појават следниве здравствени предизвици:

• мускулно-скелетни нарушувања (артритис, остеопороза, вкочанетост, нарушена органска структура на коските, мускулни повреди итн.);
• слабеење на одбранбената функција на имунолошкиот систем;
• појава на физички промени поврзани со стареењето (брчки, целулит, губење на сјајот и на еластичноста на кожата итн.).

Поради тоа, колку порано ги одржите оптималното ниво и создавањето колаген во телото толку повеќе ќе се намали ризикот од овие нарушувања. 

Сепак, најзасегнат дел од нашето тело поради недостигот од колаген се нашите зглобови. Како што телото старее токму колагенот им помага на зглобовите да ја задржат својата виталност и да се движат непречено и со помала вкочанетост. 

Кои се придобивките од колагенот за вашите зглобови?

Придобивка 1: го подобрува целокупното здравје на зглобовите

Флексибилност, подвижност, намалена вкочанетост и зголемен опсег на движења на зглобовите се само дел од придобивките од колагенот. 

Истражувањата покажуваат дека редовното консумирање колаген може да ја подобри работата на зглобовите.

Придобивка 2: помага во формирањето ’рскавица

Колагенот ѝ дава сила и еластичност на ’рскавицата, сврзното ткиво што ги амортизира краевите на коските, и го поддржува непреченото движење на зглобовите.

Колагенот сочинува околу 50 % од сите протеини во ’рскавицата и 85-90 % од зглобната ’рскавица.

Додатоците на колаген можат да помогнат во намалувањето на деградацијата и во одржувањето здрава ’рскавица.

Придобивка 3: помага при закрепнување од повреди

Освен поддршка на секојдневните движења и на целокупната функционалност на зглобовите, колагенот ги подобрува и физичките перформанси и закрепнувањето од повреди.

Со редовна употреба колагенот помага да се намали вкочанетоста на колената, како и општата вкочанетост и непријатност во зглобовите, предизвикана од вежбање.

Во колагенот се присутни и одредени аминокиселини како што е глицинот. Тој помага во формирањето креатин, супстанција што ги зголемува мускулната маса, силата, нивото на енергија и способноста за вежбање.

Придобивка 4: го подобрува здравјето на коските

Во структурата на вашите коски се наоѓа колагенот. Но, како што старее телото така природно се намалува и коскената маса. 

Ова често доведува до состојби како што е остеопорозата, која се карактеризира со ниска густина на коските и со поголем ризик од коскени фрактури.

Истражувањата покажуваат дека додатоците во исхраната кои содржат колаген може да помогнат за помала загуба на коскената минерална густина и да го намалат ризикот од остеопороза.

Редовната употреба на колаген може да ја зголеми густината на коските за 7-10 % годишно.

Дополнителни придобивки од користењето колаген

Освен што колагенот ја зголемува виталноста на зглобовите, има и голем број други здравствени придобивки што не треба да се занемарат.

На пример:

• ја подобрува јачината и го стимулира растот на косата и на ноктите;
• ја зголемува мускулната маса и помага за правилно функционирање на мускулите.

Како да внесете повеќе колаген во секојдневието?

Еден од најдобрите начини за зголемување на нивото на колаген во телото е да се јаде храна што го стимулира производството на колаген. 

Може да изберете храна богата со колаген, но и храна што содржи хранливи материи кои му помагаат на телото да произведува колаген.

Храната што содржи колаген вклучува:

• чорба од животински коски,
• живина,
• риба,
• свинско месо,
• црвено месо,
• млечни производи,
• јајца.

Колагенот како додаток во исхраната

Нашите предци внесувале големо количество на колаген бидејќи нивната традиционална исхрана вклучувала многу животински делови, како што се кожата, тетивите, коските и лигаментите.

Добра алтернатива е да земете додаток во исхраната што содржи колаген, каков што е Collacare, комбиниран со витамини и со минерали за да се збогати составот и за да се дополни дејството на производот.

Collacare e моќна комбинација од течен хидролизиран колаген од риба (тип I), хијалуронска киселина, витамини и минерали (витамин Ц, витамин Б₃, цинк глуконат, витмин Б₅, витамин Б₂, витамин Б₆, бакар глуконат, витамин А, биотин, витамин Д₃).

Можете да го консумирате нерастворен или по потреба да го растворите во половина чаша вода. За најдобар ефект препорачливо е да го земате навечер пред спиење.

Пред употреба внимателно да се прочита упатството. За индикациите, ризикот од употребата и несаканите дејства на лекот консултирајте се со Вашиот лекар или фармацевт.

АЛКАЛОИД COLLACARE VITAL Течен колаген 500ml

Collacare

Состав

Комплекс…

2,697 ден

Прикажи сега