АШВАГАНДА – Најпотентната билка за машкото здравје! ЗОШТО?

Ашвагандата е растение од семејството Solanaceae, поточно се работи за Withania somnifera. Расте во топлите краишта, а се смета дека потекнува од североисточните делови на Индија. Се нарекува уште и индиски женшен или зимска цреша. Најчесто се користи нејзиниот корен.

Ашвагандата е богата со низа компоненти кои можат на различни начини да делуваат позитивно врз здравјето на нашиот организам.

Употребувана со милениуми

Индискиот женшен се употребувал во индиската традицонална Ајурведа медицина со милениуми. Поседува антиоксидативни, антивоспалителни и антистресни својства, заради што се смета дека може да допринесе за подобро општо здравје и долговечност.

Според податоците на некои истражувања, ашвагандата покажала заштитен ефект од некои малигни заболувања, дијабет и невродегенеративните заболувања, како Алцхајмер и Паркинсон.

Дополнително, таа покажала и смирувачки ефект, како и одредена улога во балансирањето на повеќе важни хормони во човековиот организам.

Често ашвагандата се препорачува како единечен суплемент или во комбинација со други суплементи за третирање на хроничниот замор, депресија, анксиозност итн.

Aшваганда – веројатно најефективниот суплемент наменет за машкото здравје

Ентузијастите за хербални лекови со години тврдат дека екстрактот од ашвагандата има извонреден потенцијал како афродизијак, односно подигнувач на машкото либидо. Затоа, освен за контролирање на стресот и останатите ефекти кои претходно ги наведовме, ашвагандата сè повеќе се користи и за подобро машко здравје.

Во последно време ваквите тврдења добиваат и научна основа. Имено, активните компоненти на ашвагандата, како витанолиди и сапонини, се поврзуваат со повеќе бенефити, помеѓу кои и подигнување на нивото на тестостерон. Така, екстрактот од ашваганда се препорачува за оние што сакаат да ги зголемат своите нивоа на тестостерон, односно да го подобрат својот физички перформанс и/или да го интензивираат сексуалната ,.моќ”.

Како ашвагандата помага за нивото на тестостерон и машкото здравје?

Анти-стрес ефектот на ашвагандата може да помогне за нивото на тестостеронот. Намалувајќи го стресот и анксизноста, односно намалувајќи го нивото на кортизолот, придонесуваме за оптимизирање на нивото на тестостерон. Дополнително, потентниот анкиолитички ефект на ашвагандата, исто така допринесува за нивоата на тестостерон во организмот.

Заштита на тестисите и сперматозоидите

Третирањето сперматозоидите со ашваганда во рок од 3 месеци, значително ја намалило апоптозата и концентрациите на интрацелуларниот реактивен кислород. Намалувањето на оксидативниот стрес и смртноста на клетките, секако, го подобрува квалитетот на сперматозоидите. 

Зголемувањето на нивото на тестостерон поттикнува подобар квалитет, но и подобра мобилност или подвижност на сперматозоидите, Имено, едно истражување утврдува дека со зголемувањето на серумските нивоа на тестостерон за 17%, бројот на сперматозоидите се зголемува за 167%, волуменот за 53%, а подвижноста на овие клетки за 57%.

Зголемување на нивото на тестостерон

Претходно наведовме како ашвагандата индикретно делува за оптимизирање на тестостеронот, но екстрактот може да делува и директно. Споменатите активни компоненти наречени сапонини, истражувањата ги потврдуваат како природни зголемувачи на нивото на тестостерон.

Едно истражување од 2013 година покажува интересни резултати. Суплементирањето со ашваганда (675mg, 3 пати дневно) се поврзува со дури 167% зголемување во бројот на сперматозоидите, 53% зголемување во нивниот волумен и со 17% зголемување на нивото на тестостерон. Дополнително, утврдено било и зголемување во мобилноста или подвижноста на половите клетки за цели 57%.  Така, истражувачите заклучуваат дека ашвагандата поседува потенцијална терапевтска вредност во однос на инфертилноста.

,,300mg ашваганда екстракт го поддржува нивото на тестостеронот, но и мускулната маса”

Ова се вели во едно истражување од 2015 година, објавено во Journal of International Society of Sports Nutrition.

57 машки испитаници кои редовно практикувале вежби со тежина, земале суплемент од ашваганда (екстракт од корен – 300mg), двапати дневно во период од 8 недели. Следени биле мускулната сила, големина и телесната композиција на испитаниците. Дополнително, евалуирани биле и времето потребно да за ,,репарација” на мускулното ткиво, како и тестостеронските нивоа.

Истражувачите заклучуваат дека суплеметирањето со ваков екстракт се поврзува со значително зголемување на мускулната маса, но и на мускулната сила.