Олеснување при ХЕМОРОИДИ со РАСТИТЕЛНИ ВЛАКНА!

Fybrogel е целосно природен производ, добиен од лушпите од семето на растението Plantago ovata. Ова растение може да расте ширум светот, но најспецифично е за индискиот полуостров. Секоја поединечна билка има потенцијал да создаде и до 15 илјади мали семиња, oбложени со гел, материја од која потоа се добиваaт лушпите на псилиумот – содржина особено богата со растителни влакна или фибер.

Во светот се среќава и под други имиња: испагула, исабгол и сл.

Растителните влакна се најчестиот недостаток/дефициенција во развиениот свет. Нивниот недостаток е поврзан со низа болести.

Во основа, растителните влакна се делат на два типа – растворливи и нерастворливи. Растворливите влакна, како што кажува и самото име, се делумно растворливи во вода, а со тоа и во нашето тело. Псилиумот, односно Fybrogel припаѓа токму во оваа група. Како добар извор на растворливи влакна се сметаат и житарките: овес, јачмен, ‘рж, пченица и сл.

Констипација или запек и дијареа

Бројни добро дизајнирани научни истражувања укажуваат дека псилиумот ослободува од запекот. Комбинирајќи го со вода, тој формира специфична гелна структура која потоа го стимулира цревниот систем подобро да контрахира. Ова овозможува побрзо движење на столицата низ дигестијата и во крајна линија – подобро празнење.

Веќе подолг период псилиумот се користи како успешен лаксатив во Азија, Европа и Северна Америка.

Фиброгелот може исто така да се користи за помош при слаба до умерена дијареа. Псилиумот има способност да впие огромен дел од водата присутна во дигестијата, оставајќи ја столицата значително позацврсната, на тој начин успорувајќи го нејзиниот пат низ цревата. Тоа е доста важно за спречување на дијареа.

Подобро општо здравје на дигестивниот тракт

Растителните влакна делуваат и како пребиотици. Терминот пребиотици не треба да се меша со пробиотиците. Имено, пребиотиците, кои главно и најчесто се растителните влакна, претставуваат храна за нашата цревна микрофлора. На тој начин допринесуваат кон бројни здравствени бенефити, односно:

◦ го намалуваат ризикот од метаболички нарушувања

◦ значително придонесуваат во контролирањето на телесната тежина

◦ продуцираат кратко-верижни масни киселини, корисни за здравјето на микрофлората

◦ стимулираат активност на имунитетот

◦ оставаат ,,помалку простор” за патогените бактерии

◦ го стимулираат општото здравје на дигестијата

Хемороиди

Докторот што ве следи може да ви препорача суплементирање со псилиум заради омекнување на столицата и намалување на болките поврзани со проблемите со хемороидите.

Кардиоваскуларни болести

Додавајќи повеќе растителни влакна во нашата исхрана, како што се оние од псилиумот, може значително да го намали ризикот од појава на срцеви заболувања. Една таква студија, од Универзитетот Харвард, САД, следела над 40 илјади машки здравствени работници, при што утврдила дека оние што имале исхрана најбогата со фибер, имале намален ризик од срцеви заболувања за дури 40%.

Ова позитивно дејство се остварува преку влијанието на фиберот на одредени параметри кои се силен ризик-фактор за болести на срцето и циркулаторниот систем, како холестеролот, мастите, телесната тежина но и крвниот притисок. Дополнително, повеќе истражувања ни даваат податоци според кои можеме да видиме дека оние луѓе што имаат исхрана богата со фибер, имаат пониски вредности за CRP или Ц-реактивниот протеин – антивоспалително дејство.

Имено, Фиброгелот придонесува за подобра контрола на холестеролот. Кога растителните влакна се движат во цревата, тие имаат капацитет да го врзат холестеролот и да го изнесат од организмот.

Иако се потребни повеќе студии, додавањето повеќе фибер во исхраната, особено повеќе псилиум, може да придонесе за понизок крвен притисок. Едно истражување покажува дека 6 месечната суплементација со псилиум растителни влакна, значително го намалува горниот и долниот крвен притисок кај лицата со покачена телесна тежина и хипертензија.

Ваквото дејство се смета дека е комбинација од повеќе фактори, како поуспешно контролирање на телесната тежина, намалување на инсулинската резистентност и слично.

Помош за поуспешно контролирање на шеќерот во крвта

Фиберот ја попречува работата на дигестивните ензими – со што се успорува дигестијата и на тој начин се избегнуваат шеќерните пикови, а потоа и наглите падови кои се ризични по здравјето, а нè оставаат и постојано гладни. На тој начин се намалува и гликемискиот индекс на целокупната присутна храна во дигестијата.

Поуспешно заситување – поуспешен процес на слабеење

Освен преку регулрањето на глукозата (обезбедуваат нејзино постепено апсорбирање во крвотокот), фиберот делува на заситувањето и преку врзувањето на вишокот вода во стомакот, со што се промовира чувство на продолжена ситост.

Рак на дебело црево

По ветувачките првични студии, најновите резултати од истражувањата укажуваат на потенцијална заштита од рак на дебело црево кај лицата што имаат исхрана побогата со растителни влакна.

Важно е да се каже дека вакво дејство не е пронајдено за лицата кои веќе биле болни од малигни болести на дебелото црево, односно фиберот веројатно не заштитува од повторно појавување на малигни промени во овој дел од телото.

Kако се употребува ФИБРОГЕЛОТ?

За забрзување на перистатиката се препорачува по една лажичка во голема чаша вода после оброк, до три пати на ден. Кога ќе се воспостави добро и редовно празнење на цревата – доза на одржување е една лажичка дневно.

Се препорачува да не се остава подолго во чашата вода бидејќи ќе добие гел структура и може да бида малку непријатно за консумирање. Значи, лажичката Фиброгел се додава во голема чаша вода, се размешува и набргу се пие.

Ефектот е видлив во рок од 24 – 72 часа од земањето на првата доза.