ANDOL 300 mg/ 20 таблети

Употреба:

Секогаш земајте Андол така како што е одредено во упатството за употреба. Треба да проверите со Baшиот доктор или фармацевт ако не сте сигурни како да го земете овој лек.

Освен ако поинаку не е препишано од Вашиот доктор, вообичаената  доза е:

Возрасни:

1 до 2 таблети на секои 6 до 8 часа. Максимална дневна доза е 8 таблети 2400 мг ацетилсалицилна киселина).

Деца над 12 годишна возраст:

Се препорачува дневна доза на ацетилсалицилна киселина од 60 мг/кг телесна маса, разделена на 4 до 6 одделни дози (15 мг/кг на секои 6 часа или 10 мг/кг на секои 4 часа).

Таблета испијте ја со чаша вода.

Андол земајте најмноrу 3 до 5 дена. Ако симптомите не исчезнат или ако се повторуваат, посоветувајте се со својот доктор.

Што содржат Андол 300 mg таблетите? Активната супстанција е ацетилсалицилна киселина во пуферирана форма.

Една таблета содржи 300 mg ацетилсалицилна киселина во пуферирана форма. Други состојки се: магнезиум оксид, пченкарен скроб, желатин, талк, пченкарен скроб, прежелатинизирана, микрокристална целулоза, силициум диоксид, колоиден, безводен.

Таблетите Andol 300 mg се кружни бели, до речиси бели, мермерни таблети со натпис PLIVA на едната страна. Таблетите Андол 300 mg се достапни во пакувања од 20 таблети во блистер, во кутија.

Бременост и доење: Ве молиме да се консултирате со Вашиот доктор или фармацевт пред да земете било каков лек.

Лекот чувајте го на места недостапни за деца!

Лекот да се чува на температура до 25°С.