Дали е безбедна конзумацијата на пробиотици во бременост?

Бременоста може да биде возбудливо време полно со нови искуства и учења, особено кога
станува збор за исхрана и суплементи. Меѓутоа, ако сте бремени и се чувствувате обземени од
огромната количина на достапни информации, знајте дека не сте сами. Разбирливо е овој период да ве прави претпазливи за нова храна и додатоци во вашата исхрана, вклучително и пробиотици.

Бременоста целосно го менува животот на жените, од навики и однесување, до начин на исхрана
и сето тоа влијае на телото, а со тоа и на рамнотежата на цревната микрофлора, како и на
целокупната рамнотежа на организмот. Затоа дигестивните проблеми кај бремените жени се
чести. Консумирањето пробиотици во бременоста носи многу придобивки, а најмногу се одразува
врз состојби како несакани ефекти од антибиотици, синдром на нервозно црево, помош при
воспаление на цревата, егзема, атопичен дерматитис.

Што се всушност пробиотиците?

Пробиотиците се живи микроорганизми дизајнирани да ја подобрат бактериската флора на
различни делови од вашето тело – првенствено на цревата, но исто така и на вашата уста,
уринарниот тракт и вагиналниот регион. Додека некои бактерии можат да нè разболат, други се
всушност добри за нас и помагаат да бидеме здрави. Ако немаме доволно добри бактерии,
микробиомот на нашето тело може да се исфрли од рамнотежа, што потенцијално ќе не остави
ранливи на болести или непријатни симптоми (како дијареа).

Таму доаѓаат пробиотиците: користејќи микроорганизми кои се во суштина исти како оние што
природно се појавуваат во нашето тело, пробиотиците можат да ни помогнат да ја вратиме
рамнотежата на добрите и лошите бактерии.
Додека пробиотиците често се прогласуваат за чудотворни додатоци за луѓе со дигестивни
нарушувања или хроничен гастроинтестинален дистрес, нивната најчеста употреба во бременоста
е всушност за одржување на вагиналната флора, а не за лекување стомачни заболувања.
Гадење и повраќање за време на бременоста, како и запек, се должат на хормоналните промени,
значи, пробиотиците можеби нема да имаат толкав ефект за бремените жени како што би имале
кај другите луѓе.
Сепак, бремените жени се поподложни на вагинални и габични инфекции отколку небремени
жени. Земањето пробиотици може да помогне во зачувување на рамнотежата на вагиналниот
микробиом, може да спречи појава на инфекции и може да ја намали потребата од лекови на
рецепт за лекување на вагинални инфекции.

Бројните истражувања покажуваат дека употребата на пробиотици за време на бременоста е
безбедна. Нема предупредувања во однос на употребата на докажани пробиотици за време на
бременоста и доењето, а нема ниту информации за можни несакани последици кај бремени жени
и доилки. Исклучително е важно да се изберат квалитетни, проверени и докажани пробиотици.

Уживајте што е можно повеќе за време на бременоста, бидете опуштени и ставете се на прво
место. За да немате грижи и да ги намалите тегобите, помогнете си со употреба на пробиотици.

Аптека ДНА АННИ ФАРМ ве советува редовна конзумација на пробиотик ФОРТЕ кој е
додаток во исхраната базиран на живи пробиотички бактерии, корисни бактерии од млечна
киселина и пробиотички квасец.