Храна за НЕубава насмевка

Некои производи се штетни за нашите заби. Можеме да не ги конзумираме воопшто или да го намалиме нивниот внес но секако треба да внимаваме на темелната орална хигиена.

Јаглехидрати

Тоа се шеќери – главни непријатели на здравите заби. Микроорганизмите кои се наоѓаат во денталниот плак заедно со преработените шеќери, создаваат големи количини на киселини кои го разоруваат емајлот на забот и предивикуваат кариес. Производите богати со шеќери како компир, леб, тестенини, пецива можат да бидат подеднакво штетни за забите колку и слатките.

Лепливи производи

Сувото грозје, енергетските плочки од житарици, желе бонбоните и медот се производи кои се налепуваат на забите. Плунката која природно не заштитува од шеќерите, тешко може да ги отстрани од забите.

Гуми за џвакање, бонбони, лижавчиња

Тоа се слатки кои се многу штетни за забите бидејќи содржат специфични шеќери кои на забите формираат слој. Колку подолго се присутни шеќерите во устата толку повеќе се зголемува ризикот од кариес.

Газирани пијалоци

Тоа се пијалоци кои содржат многу шеќери. По некои податоци шише безалкохолен газиран пијалок од 2,5 dcl содржи 10 чајни лажички шеќер. Газираните пијалоци предизвикуваат киселинска ерозија на емајлот на забот, неговите рабови се истенчуваат и кршат. Во сите случаи темелната орална хигиена е од најголемо значење за заштита.

Природни сокови

И овие пијалоци содржат голема количина на шеќери, што може да предизвика оштетување на емајлот и ризик од кариес.

Темелно четкање на забите

За здрава насмевка не е битна само избалансираната исхрана туку треба да се посветиме и на темелната и редовна орална хигиена. Само на тој начин ќе бидат отстранети бактериите од денталниот плак кои се главен причинител за настанување на кариес и воспаление на непцата. За подобра орална хигиена забите четкајте ги темелно наутро и навечер. Со темелно и редовно четкање се отстрануваат денталниот плак и бактериите и со тоа се намалува ризикот од кариес и воспаление на непцата. Најдобро е да користите меки четки за заби со илјадници тенки влакна со кои ќе можете ефикасно и без притисок темелно да ги отстраните забните наслаги од забите и работ на непцето. Не заборавајте да ги исчистите и интерденталните простори.

Аптека ДНА Анни Фарм ви препорачува DIETPHARM Витамин K2/D3 30 капсули

• За одржување на здрави коски
• За одржување на здравјето на кардиоваскуларниот систем
• Кај остеопороза и остеопенија
• За превенција на атеросклероза и коронарни срцеви заболувања
• Витамин K2 помага во вградување на калциум во коски
• Витамин D3 помага во апсорпција на калциум