BAYER CANESTEN вагинален крем 20 g 2 %

Употреба:

Лекот треба да го употребувате како што е пропишано во упатство (освен  ако лекарот не одреди поинаку). Доколку не сте сигурни Ве молиме советувајте се со Вашиот лекар или фармацевт. Ако не се придржувате кон упатството, лекот нема да дејствува правилно.

Внесете го вагиналниот крем што е можно подлабоко во вагината, навечер пред спиење. Тоа најдобро ќе го постигнете ако лежите на грб, со малку свиткани нозе. За лекување на вагинални инфекции: секоја вечер во текот на 3 непрекинати денови испразнете ја содржината на 1 апликатор (приближно 5 г) во вагината.

За лекување на кандиден вулвитис и кандиден баланитис кремот нанесете го во тенок слој со втривање на заболените места, 2 до 3 пати дневно (надворешните полови органи до анусот кај жената, главата и кожичката кај мажите). Лекувањето е обично 1 до 2 недели.

Терапијата не треба да ја применувате за време на менструација. Таа треба да заврши пред почетокот на менструацијата. Не треба да употребувате тампони, интравагинални туширања, спермициди или други вагинални производи, за време на употребата на овој производ.

• Плодност, бременост и доење:

Пред да земете било каков лек, советувајте се со лекар или со фармацевт.

Можни несакани дејства: Како и сите лекови и Канестен 3 вагинален крем може да предизвика несакани дејства, иако тие не се појавуваат кај секого.

Лекот чувајте го на места недостапни за деца!

Избегнувајте контакт на лекот со очите. Немојте лекот да го голтате. Лекот да се чува на температура до 25°С.